Respect For Freedom Fighters !


Déesse de Victoire - Monument Aux Morts de l'Armée d'Orient et Aux Héros des Terres Lointaines - Par Juxtaposer


Saladin - Monument de Saladin et les Héros de Damas



Les Guérilléros - Monument Aux Morts de l'Armée d'Orient et Aux Héros des Terres Lointaines - Par Juxtaposer



Les Guérilléros - Monument de Saladin et les Héros de Damas



Monument Aux Morts de l'Armée d'Orient et Aux Héros des Terres Lointaines - Par Juxtaposer



Monument de Saladin et les Héros de Damas



 

Comment Or See What Others Are Saying ( 5 comments )

بق البحصة ... عنّا بفرنسا

مبدأ " بق البحصة " أو " بأ البحصة " هو إسم العملية الخطيرة يلي بيعملوها العالم لمّا بتكون مرارتون على وشك الفقعان, و على اعتبار إنـّي ســوري و ما بقدر إلا حس إنو كل شي بيفقعلي مرارتي, قررت إنو بقها للبحصة و ما رد على حدا...

مين هالحدا ؟ كل العالم يلي هون يلي أول ما إجيت ع فرنسا قالولي إنو ما لازم قارن بين فرنسا و سوريا على أي مستوى و إلا لح إتعب كتير, بس مع هيك نفس هدول العالم عملو بنفس القعدة صبطعشر ألف مقارنة لحد الإزعاج المزعج
و الأنكى من هيك, إنو كل المقارنات بتبلش بــ "عــنـّــا بفرنــســا " أو " عندكم بسـوريا " مع إنـّو أخونا ما صرلو " عندون بفرنسا " غير شي كم أسبوع بس بيحكي كأنو فرنسا لأهلو و كان يلعب بالدحل هو و ساركوزي وقت كانو صغار
لذلك قررت فــش خلقي هون و علّك على كيفي متل هالعالم ما عم تعلـّـك ... إي نعم !!

عنّا بفرنسا متل ما عندكم بسوريا في عالم منافقة و علاكة و سرسرية و حشرية و نصابة و بلوعة عيلتهم و معقدين بطفولتهم  و بحياتون مو شايفين شي ولا بيسوو شي, و تشكيلتهم أوسع من تشكيلة " دامر " إبتداءً من عرب سوريين و غير سوريين, فرنساويين أصليين و غير أصليين, و أوربيين بدم صافي أو مجلغم
في عنّا طلحت حمدي, و عبد الفتاح المزين , و علي الديك, و سارية السواس, و مروان شيخو, و أبو شادي, و رامي الصياد الصغير, و ناهد عرقسوسي , بس أسمائون مختلفة....
و كـــلــــــّــو سرسري و بيقارن.

لذلك إلئو مقارنة إذا بتلئو ...


 

Comment Or See What Others Are Saying ( 8 comments )